پیر , 24 جولائی 2017

Home » اہم » میاں بیوی میں محبت کیسے بڑھتی ہے

میاں بیوی میں محبت کیسے بڑھتی ہے

غلطیاں نظر انداز کرکے محبت پائیں

ایک آدمی کی شادی اس لڑکی سے ہوئی جسے وہ پسند کرتا تھا۔ یہ ایک بہت بڑا فنکشن تھا۔ اس کے تمام دوست احباب اس کی خوشی میں شرکت کرنے آئے تھے۔ وہ لڑکی لا ل جوڑے میں ملبوس بہت ہی خوبصورت لگ رہی تھی۔ لڑکا بھی اپنی کالی شیروانی میں بہت دلکش لگ رہا تھا۔وہ دونوں ساتھ میں بہت اچھے لگ رہے تھے۔ ہر کوئی کہہ سکتا تھا کہ ان کا پیار ایک دوسرے کے لئے بہت سچا تھا۔

کچھ مہینے بعد وہ لڑکی اپنے شوہر کے پاس آئی اور کہنے لگی کہ میں نے ایک میگزین میں پڑھا ہے کہ کس طرح اپنی شادی کو مضبوط بنایا جا سکتا ہے۔ اسکے لئے ہمیں یہ کرنا ہوگا کہ ہم دونوں اپنی اپنی ایک لسٹ تیار کریں گے، جس میں ہم ایک دوسرے کی وہ تمام باتیں لکھیں گے جو ہمیں ایک دوسرے میں بری لگتی ہیں اور پھر ہم اس پر بات کریں گے کہ کس طرح ہم اسے حل کرسکتے ہیں اور اپنی زندگی ایک ساتھ خوشی خوشی گزار سکتے ہیں۔ اسکا شوہر راضی ہو گیا۔ لڑکی نے کہا کہ اب ہم دونوں الگ الگ کمروں میں جائیں گے اور ان باتوں کے بارے میں سوچیں گے جو ہمیں خفا کرتی ہیں۔ انھوں نے اس بارے میں پورا دن سوچا اوروہ تمام باتیں جو انھیں ناراض کرتی تھیں لکھتے گئے۔ اگلے دن صبح ناشتے کی میز پر انھوں نے فیصلہ کیا کہ وہ اپنی اپنی لسٹ پڑھیں گے۔

اسکی بیوی نے کہا کہ پہلے میں شروع کروں گی ۔ اس نے اپنی لسٹ نکالی اس میں بہت ساری چیزیں تھیں ۔ جیسے ہی اس نے چھوٹی چھوٹی شکائیتوں کی وہ لسٹ پڑھنا شروع کی اس نے دیکھا کہ اس کے شوہر کی آنکھوں میں آنسو آنے لگے۔ اس نے اپنے شوہر سے پوچھا کہ کیا ہواہے؟

Husband Wife How to increase love

Husband Wife How to increase love

تو اس پر اس کے شوہر نے جواب دیا کہ کچھ نہیں ، اور اس سے کہا کہ وہ اپنی لسٹ پڑھتی رہے ، وہ لڑکی پڑھتی گئی جب تک اس نے وہ تینوں صفحات اپنے شوہر کو نہ سنا دئیے۔ اس نے اپنی لسٹ میز پر رکھی اور اپنے ہاتھ باندھ کر بیٹھ گئی۔ اس کے بعد اس نے خوش ہو کر اپنے شوہر سے کہا کہ وہ اپنی لسٹ پڑھے تاکہ پھر وہ لوگ ان دونوں لسٹوں میں موجود باتوں پر غور کریں اور سوچیں کہ ان مسئلوں کو کیسے حل کیا جا سکتا ہے؟

اس کے شوہر نے بہت نرمی سے کہا میری لسٹ میں کچھ بھی نہیں لکھا ہے۔ میں یہ سمجھتا ہوں کہ تم جیسی ہو بہت اچھی ہو۔ میں نہیں چاہتا کہ تم میرے لئے کچھ بھی بدلو۔ تم بہت خوبصورت اور خوب سیرت ہو۔ میں کبھی تمہیں بدلنا نہیں چاہوں گا اور نہ ہی ایسی کوئی کوشش کروں گا۔

وہ لڑکی اپنے شوہر کی پرخلوص محبت اس کے پیار کی گہرائی اور اپنے لئے اس کی سوچ دیکھ کر بہت متاثر ہوئی۔ اس کی آنکھیں جھک گئیں اور وہ روپڑی۔

زندگی میں ایسے بہت سے مواقع آتے ہیں جب ہم پریشان اور خفا ہو جاتے ہیں۔ ہمیں ان کی طرف نہیں دیکھنا چاہیے بلکہ اس دنیا اور اپنے رشتوں کی خوبصورتی کو محسوس کرنا چاہیے۔ ہم خوش رہ سکتے ہیں اگر ہم اچھی چیزوں کی تعریف کریں اور ایک دوسرے کی غلطیوں کو بھلا دیں ۔ اس دنیا میں کوئی بھی مکمل نہیں لیکن ہم ایک دوسرے کو مکمل دیکھ سکتے ہیں اگر ہم ایک دوسرے کی غلطیوں کو نظر انداز کرنا سیکھ جائیں۔

میاں بیوی میں محبت کیسے بڑھتی ہے Reviewed by on . ایک آدمی کی شادی اس لڑکی سے ہوئی جسے وہ پسند کرتا تھا۔ یہ ایک بہت بڑا فنکشن تھا۔ اس کے تمام دوست احباب اس کی خوشی میں شرکت کرنے آئے تھے۔ وہ لڑکی لا ل جوڑے میں م ایک آدمی کی شادی اس لڑکی سے ہوئی جسے وہ پسند کرتا تھا۔ یہ ایک بہت بڑا فنکشن تھا۔ اس کے تمام دوست احباب اس کی خوشی میں شرکت کرنے آئے تھے۔ وہ لڑکی لا ل جوڑے میں م Rating: 0

Leave a Comment

scroll to top