پیر , 24 جولائی 2017

Home » انٹرٹینمنٹ » میں اپنے گانے خود نہیں سنتا،معروف گلوکار عاطف اسلم

میں اپنے گانے خود نہیں سنتا،معروف گلوکار عاطف اسلم

فہد مصطفیٰ اور بولی وڈ سپر اسٹارز رنبیر کپور، اکشے کمار، شاہد کپور اور سیف علی خان کے درمیان کیا چیز مشترک ہے؟ ان سب نے سلور اسکرین پر عاطف اسلم کی خوبصورت آواز کے ساتھ اپنے ہونٹوں کو ملایا ہے۔عجب پریم کی غضب کہانی کا تیرا ہونے لگا ہوں، رستم کا تیرے سنگ یارا، قسمت کنکشن کا بخدا، ریس ٹو کا بے انتہا یا ان کا تازہ ترین ایکٹر ان لاءکا دل ڈانسر ہوگیا، کوئی بھی گانا ہو، عاطف اسلم نے ہمیشہ اچھا کام کیا ہے۔اپنی مرضی سے کچھ عرصے کے لیے وقفہ لینے والے گلوکار اب ایک تبدیل شدہ شخص کی شکل میں واپس آئے ہیں، جو ان کے اپنے الفاظ میں ایک اچھی چیز ہے " باپ بننے کے عمل نے مجھے اور زندگی کے بارے میں میرے مقاصد کو بدل دیا، باپ بننے سے پہلے میں نمبرون بننا چاہتا تھا مگر اب مجھے احساس ہوتا ہے کہ ایسی کوئی چیز نہیں، میں بس اپنا کام کرنا چاہتا ہوں اور لوگوں کو تفریح فراہم کرنا چاہتا ہوں، کیونکہ یہ لوگوں کے دل جیتنے کا بہترین طریقہ ہے"۔عاطف اسلم نے حال ہی میں آٰٰیک انٹرویو میں اس بات کو تسلیم کیا کہ " یہ بالکل درست ہے، میں اپنے گانوں کو نہیں سنتا، صرف ایک بار ایسا اس وقت کیا جب کسی فرد نے گانے میں ایک غلطی کی نشاندہی کی"۔انہوں نے بتایا " یہ وہ بہترین وقت ہے جب میں انڈسٹری کو بول کے بعد کچھ دے سکتا ہوں، یہاں میں نے گلوکاری میں تو کچھ زیادہ نہیں کیا تھا، مگر یہ دوبارہ واپسی کا بہترین راستہ نظر آتا ہے، ایکٹر ان لاءکا گانا دل ڈانسر ہوگیا، صرف ایک رومانوی گیت نہیں، اس میں ایک مختلف احساس اور منفرد شاعری ہے، جس کے لیے کچھ اضافی کی ضرورت تھی، اور یہی وہ چیز ہے جو میں ہمیشہ کرنا چاہتا تھا"۔

اپنی واپسی کے لیے عاطف اسلم نے ایکٹر ان لا کا انتخاب کیوں کیا، اس کے پیچھے بھی ایک کہانی موجود ہے " اوم پوری صاحب ممکنہ طور پر اس کی وجہ ہیں، جب میں فلم کے سیٹ پر ان سے ملنے گیا تو پروڈیوسر فضا (علی مرزا) نے مجھ سے شکایت کی کہ میں نے نامعلوم افراد پر ان سے رابطہ نہیں، حقیقت تو یہ ہے کہ مجھے معلوم ہی نہیں تھا کہ وہ مجھے کہاں تلاش کررہی تھیں، تو میں نے فلم کے لیے ایک گانا کرنے کا فیصلہ کیا اور اس طرح دل ڈانسر ہوگیا تیار ہوا"۔عاطف اسلم انڈیا، پاکستان اور مغرب میں لوگوں کے دل جیت چکے ہیں، ان کے پرستاروں کی تعداد کا مقابلہ کسی سے نہیں کیا جاسکتا۔ جب ان سے کامیابی کا راز پوچھا گیا تو ان کے پاس کہنے کے لیے کچھ زیادہ نہیں تھا " میری کامیابی کا کوئی راز نہیں، یہ برسوں پہلے کی بات ہے جب میں نے گانا شروع کیا اور لوگوں نے میری گائیکی کے انداز کو پسند کیا، اس کے بعد میں دنیا بھر کا ٹور کرچکا ہوں اور ایک وقت آیا تھاجب میں اس معمول سے تھک گیا تھا اور اسی لیے مجھے وقفے کی ضرورت پڑی، مگر اب میں اس جگہ دوبارہ آچکا ہوں جس کے لیے مجھے جانا جاتا ہے"۔گزشتہ ایک ماہ کے دوران عاطف اسلم نے ایک نہیں بلکہ چار گانے ریلیز کیے، دو ایکٹر ان لاءکے لیے ، ایک رستم اور ایک فلائنگ جٹ کے لیے، اور یہ سب ہٹ ثابت ہوئے .جادوئی آواز کے مالک گلوکار کا کہنا ہے کہ " اس بات پر یقین رکھتے ہیں کہ ہر عروج کے ساتھ زوال بھی ہے" اور مزید کہتے ہیں کہ یہی وہ وجہ ہے جس کے باعث وہ ٹاپ پوزیشن کی دور کا حصہ نہیں بننا چاہتے " مجھے نمبرون کی پروا نہیں، مجھے بس اپنے کام سے محبت ہے جو میں کررہا ہوں، جہاں بھی میں جاتا ہوں، مجھے لوگوں کی جانب سے چاہا جاتا ہے، نیروبی میں، ویسٹ انڈیز یا جنوبی افریقہ تک، میں ان کی محبت کو عزیز رکھتا ہوں"۔اگر گزرے دور میں واپس جانے کا موقع ملا تو گلوکار نوجوان عاطف اسلم کو کیا مشورہ دیں گے ؟ " میں اسے کہنا چاہوں گا کہ مشہور مت ہو، میں اپنی نوجوانی کو بہت زیادہ یاد کرتا ہوں، میں ناشکرا نہیں مگر پہلے کبھی ایسا عاطف ہوتا تھا جو گلیوں میں گھومتا تھا، جسے پروا نہیں ہوتی تھی کہ کہ اس کی تصویر لی جائے یا نہیں، باہر گھومتے ہوئے لوگ اسے گھورتے نہیں تھے، میں اس زندگی کو یاد کرتا ہوں اور اس کے لیے کچھ بھی دینے کے لیے تیار ہوں، چاہے وہ کچھ لمحوں کے لیے ہی کیوں نہ ہو"۔

میں اپنے گانے خود نہیں سنتا،معروف گلوکار عاطف اسلم Reviewed by on . فہد مصطفیٰ اور بولی وڈ سپر اسٹارز رنبیر کپور، اکشے کمار، شاہد کپور اور سیف علی خان کے درمیان کیا چیز مشترک ہے؟ ان سب نے سلور اسکرین پر عاطف اسلم کی خوبصورت آواز فہد مصطفیٰ اور بولی وڈ سپر اسٹارز رنبیر کپور، اکشے کمار، شاہد کپور اور سیف علی خان کے درمیان کیا چیز مشترک ہے؟ ان سب نے سلور اسکرین پر عاطف اسلم کی خوبصورت آواز Rating: 0

Leave a Comment

scroll to top