ہفتہ , 21 اکتوبر 2017

Home » اہم » وہ کون سی عادات ہیں جو کسی شخص کو ناکام یا کامیاب بناتی ہیں؟

وہ کون سی عادات ہیں جو کسی شخص کو ناکام یا کامیاب بناتی ہیں؟

کیا آپ جانتے ہیں وہ کون سی عادات ہیں جو کسی شخص کو ناکام یا کامیاب بناتی ہیں؟ یہ وہ عادات ہوتی ہیں جو ناکام اور کامیاب افراد کے درمیان ایک فرق واضح کرتی ہیں۔ دراصل عادات انسان پر حکمرانی کرتی ہیں اور کچھ لوگ اپنی بھرپور محنت اور مواقع ملنے کے باوجود کامیاب نہیں ہوپاتے کیونکہ وہ اپنی منفی عادات سے مجبور ہوتے ہیں۔آئیے دیکھتے ہیں وہ کون سی عادات ہیں جو ایک کامیاب اور ناکام شخص میں فرق پیدا کرتی ہیں۔
کامیاب افراد دوسروں کی تعریف کرتے ہیں جبکہ ناکام افراد ہمیشہ دوسروں پر تنقید کرتے ہیں۔کامیاب افراد تبدیلی کا خوش دلی سے استقبال کرتے ہیں جبکہ ناکام افراد تبدیلی قبول کرنے سے گھبراتے ہیں اور سالوں پرانی چیزوں سے جڑے رہتے ہیں۔کامیاب افراد دوسروں کی غلطیوں پر انہیں معاف کردیتے ہیں۔ ناکام افراد دلوں میں کینہ دبا کر رکھتے ہیں اور وقت ملنے پر بدلہ ضرور لیتے ہیں۔کامیاب افراد سیکھنے کا عمل جاری رکھتے ہیں۔ ناکام افراد خود کو عقل کل سمجھتے ہیں اور انہیں لگتا ہے کہ وہ سب کچھ جانتے ہیں۔کامیاب افراد اپنی ناکامیوں کی ذمہ داری قبول کرتے ہیں جبکہ ناکام لوگ دوسروں کو الزام دیتے ہیں۔
کامیاب افراد شکر گزار اور قدر شناس ہوتے ہیں جبکہ ناکام شخص ہر وقت آپ کو شکوے شکایات کرتا نظر آئے گا۔کامیاب افراد اپنا کوئی مقصد بناتے ہیں اور اس کی تکمیل کے لیے محنت کرتے ہیں۔ ناکام افراد آرام پسند ہوتے ہیں اور محنت طلب کاموں سے پرہیز کرتے ہیں۔ اب آپ یہ سوچ کر جواب دیں کہ آپ کا شمار کن افراد میں ہوتا ہے؟

وہ کون سی عادات ہیں جو کسی شخص کو ناکام یا کامیاب بناتی ہیں؟ Reviewed by on . کیا آپ جانتے ہیں وہ کون سی عادات ہیں جو کسی شخص کو ناکام یا کامیاب بناتی ہیں؟ یہ وہ عادات ہوتی ہیں جو ناکام اور کامیاب افراد کے درمیان ایک فرق واضح کرتی ہیں۔ د کیا آپ جانتے ہیں وہ کون سی عادات ہیں جو کسی شخص کو ناکام یا کامیاب بناتی ہیں؟ یہ وہ عادات ہوتی ہیں جو ناکام اور کامیاب افراد کے درمیان ایک فرق واضح کرتی ہیں۔ د Rating: 0

Leave a Comment

scroll to top