بدھ , 18 اکتوبر 2017

Home » تازہ ترین » 10 سال میں 370 صحافی قتل،70 پاکستانی شامل

10 سال میں 370 صحافی قتل،70 پاکستانی شامل

سلام آباد، واشنگٹن (آن لائن) حقائق سامنے لانے کی پاداش میں کئی صحافی زندگیاں کھو بیٹھے مگر ان کی جان لینے والے کھلے دندناتے پھرتے ہیں۔ کمیٹی ٹو پروٹیکٹ جرنلسٹس کی حالیہ رپورٹ کے مطابق گزشتہ دس سالوں میں دنیا میں قتل کیے گئے صحافیوں کی تعداد 370 ہے۔ پاکستان میں دس سالوں میں 70 صحافیوں کو موت کی وادی میں دھکیل دیا گیا۔
دنیا بھر میں ہر گزرتا سال صحافیوں کے لئے سختیوں، مشکلات اور مصائب کا ہی پیغام لاتا ہے۔ دنیا کے کسی بھی حصے میں جنگی حالات، یا دہشت گردی اور اس کے خلاف جنگ کی کوریج ،دھمکیوں،اغوا اور قتل کے واقعات رپورٹ کرنے والے صحافی، خود خبر بن رہے ہیں۔
امریکی ادارے کمیٹی ٹو پروٹیکٹ جرنلسٹس کی حالیہ رپورٹ کے مطابق گزشتہ دس سالوں میں دنیا میں قتل کیے گئے صحافیوں کی تعداد 370 ہے۔مختلف صحافتی تنظیموں کے مطابق پاکستان میں دس سالوں میں 70 صحافیوں کو موت کی وادی دھکیل دیا گیا۔
’’رپورٹرز ود آوٹ بارڈرز‘‘ کی حالیہ رپورٹ کے مطابق اس سال دنیا میں 56 جبکہ پاکستان میں دو صحافی زندگیاں کھو بیٹھے۔ سوال اٹھتا ہے کہ آخر صحافی اس بربریت کا نشانہ کیوں؟اقوام متحدہ گزشتہ دو برسوں سے 2 نومبر کو انٹرنیشنل ڈے ٹو ایند امپیونٹی فار کرائمز اگینسٹ جرنلسٹس منارہی ہے۔ صحافیوں کو بربریت کا نشانہ بنانے والوں کا اول تو سراغ ہی نہیں ملتا۔ مل جائے تو بات آگے نہیں بڑھتی۔
ماہرین قانون اس کی وجہ لا اینڈ آرڈر کی صورتحال کو قرار دیتے ہیں۔ صحافیوں کے لیے پاکستان خبروں کی جنت مگر انکی حفاطت یا کسی حادثاتی صورت حال میں سرپرستی کرنے والا کوئی نہیں۔ سینئر صحافی، حکومت اور صحافتی اداروں کو ذمہ دار گردانتے ہیں۔ صحافی خود کو خطروں کے سپرد کر کے عوام تک صحیح خبر پہنچانے کی جستجو میں ڈٹے ہوئے ہیں جو ان ناموافق اور پرخطر حالات میں سچ تک رسائی کیلئے جرات و جواں مردی کی علامت ہے۔300275-marrylandhighwaymoneyrain-1415040499-126-640x480

10 سال میں 370 صحافی قتل،70 پاکستانی شامل Reviewed by on . سلام آباد، واشنگٹن (آن لائن) حقائق سامنے لانے کی پاداش میں کئی صحافی زندگیاں کھو بیٹھے مگر ان کی جان لینے والے کھلے دندناتے پھرتے ہیں۔ کمیٹی ٹو پروٹیکٹ جرنلسٹس سلام آباد، واشنگٹن (آن لائن) حقائق سامنے لانے کی پاداش میں کئی صحافی زندگیاں کھو بیٹھے مگر ان کی جان لینے والے کھلے دندناتے پھرتے ہیں۔ کمیٹی ٹو پروٹیکٹ جرنلسٹس Rating:
scroll to top